《願榮光歸香港》創作人

https://thestandnews.com/politics/專訪-香港之歌-誕生-願榮光歸香港-創作人-音樂是凝聚人心最強武器/?fbclid=IwAR2jQYT3HJ5SmNiZoLcqKd0Qa-ehP3Ek8mGpbuWqrgI4jOSG4Nk-xMiW8vE

寫好歌詞初版，T 就打算找其他人幫手，集思廣益。
8 月 26 日中午，他在連登開了個 post，題為「作左首軍歌幫大家回血《願榮光歸香港》 招virtual合唱」，上載歌曲初版，「好 midi，好難聽的版本」，呼籲「連登仔」就歌詞提出建議，以及自行唱歌錄音上載，以助製作合唱版。
..
兩、三日後，廿多個連登巴絲響應呼籲，到錄音室進行合唱團錄音。由於大家放工時間都不一樣，最初他們逐個進行錄音，後來人齊了就四五個一組地錄，錄了好多次，「因為氣勢唔夠，要 dup 多幾次，整厚啲個聲。」
T 對這班脫下口罩合唱的連登仔女印象深刻。「睇得出大家都係好 serious 的態度。行入 studio 的時候，眼神好堅定，大家唔識大家，有少少怕醜，但落到場要唱時，大家聲線都盡量變到好雄壯嗰隻。」
..
8 月 31 日，《願榮光歸香港》合唱版 MV 正式見街；幾日後，歌曲突然爆紅，先有美國領事館一帶花園道的遊行隊伍合唱，然後遍地開花到香港大球場，以至全港各大商場。
T 試過在現場跟其他人一起唱自己的作品。他說，那個場面既令他感動，「好多唔同年齡的人，阿叔、嬸嬸，都拎住歌紙，好努力地唱，即使拍子唔係好準 … 大家都有首歌可以團結人心，呢個目標係達到嘅。」然而作為創作人，他笑言，自己大部分時間其實在擔心，「喺度驚大家甩 beat、唱得唔夠好 … 從藝術家的角度，梗係想大家唱好啲。」